![VOV Tây Nguyên/Siu H' Prăk pơblang](/themes/custom/vov_4/images/avatar.png)
Ngă lơphet pok phun lĕ tơlơi pok jơlan amăng hơdôm bruă mă kiăng lăi pơhing hyu, pơtô juăt, pơđĭ tui tơlơi đing nao pơgang, pơgăn ia ƀlung kơ čơđai muai, čơđai sang hră ƀơi Dak Lak thun anai. Mơ̆ng akô̆ thun truh ră anai, đơ đam tơring čar hmâo laih 25 čô čơđai sang hră djai yua kơ ia ƀlung.
![Ƀing čơđai sang hră gum hrŏm anih hrăm luai brơi đôč amăng tal pơdơi prong](https://vov4-media.solidtech.vn/sites/default/files/styles/large/public/2024-05/31_5_hoc_boi_.jpg)
Kiăng plai ƀiă tơlơi anai, Gơnong bruă pơtô pơhrăm gum hrŏm hăng hơdôm bôh anom bơdjơ̆ nao pok pơhai ha amăng plĕ, khut khăt, ba glăi bôh tơhnal hơdôm bruă pơgang, pơgăn ia ƀlung. Gơnong bruă pơtô pơhrăm tơring čar Dak Lak rơkâo hơdôm bôh anom sang hră kơtưn lăi pơhing hyu, lăi pơtă, lăi pơthâo bôh thâo, bruă pơgang, pơgăn ia ƀlung truh hăng čơđai sang hră, biă ñu amăng hơdôm hrơi pơdơi prong. Pơtrut kơtang bruă pơtô luai pơhlôm kơ čơđai sang hră amăng sang hră, na nao pơphun pok anih pơtô luai kơ čơđai muai./.
Viết bình luận