Khua mir sir ta pơsit tong kual ASEAN yôm phăn biă mă, ƀu dưi pơčlah amăng hơdră pơtom hiăp mơng Việt Nam. Khua mir sir hok mơ-ak lơm ƀuh tơlơi yak nao pơđĭ kyar hiam klă tơlơi rô nao rai kơplah wah Việt Nam hăng hơdôm boh dêh čar kual Ngŏ dơnung Asia amăng hơdră ngă hrŏm dua bơnah hăng djop bơnah; Việt Nam hơmâo pơjing truh kih tơlơi rô nao rai ngă hrŏm yôm phăn hăng ngă hrŏm djop mơta hăng hơdôm boh dêh čar ding kơna sit nik kual ASEAN; pơsit tong tơlơi dong yua hăng čang rơmang Timor Leste tañ jing ding kơna kual ASEAN.

Khua mir sir čang rơmang ƀing khua anih jưh amra jing gong jơlan, pơgôp lu biă dong amăng bruă pơtrut tơlơi rô nao rai giang mah, ngă hrŏm kơplah wah Việt Nam hăng hơdôm boh dêh čar kual Ngŏ dơnung Asia, gum tơngan hrŏm pơjing kual ASEAN gum pơgôp, hơđong kjăp, jing anih rơnuk rơnua, hơđong, ngă hrŏm hăng pơđĭ kyar amăng kual hăng rŏng lŏn tơnah.