Amăng anun, bruă yôm hloh lĕ gum hrŏm pơphun hơdôm bruă mă ƀrô tal hơdor glăi 15 thun kĭ tơlơi pơkôl pŏng gong guai kơplah wah dêh čar Việt Nam-Khač, tơlơi pơkôl kơ hơdră wai lăng guai lŏn ia kơplah wah Việt Nam-Khač; hơdôm bruă ngă lông lăng, akŏ bruă, thun blan ngă lông lăng anăp nao ngă sit nik ƀơi kual drai ia Bản Giốc (Việt Nam)-Đức Thiên (Khač) amăng thun 2024 hăng sa, dua boh tơhnal bơdjơ̆ nao pơkŏn dong.

Pơ anăp anai, dua bơnah amra tŏ tui gum hrŏm kjăp tui hơdră bruă mơng Jơnum min pơlir hơbit kual giăm guai kơplah wah Việt nam-Khač, ngă klă bruă wai lăng guai lŏn ia, amăng jang tui 3 pok hră pơ-ar bơdjơ̆ nao guai lŏn ia Việt Nam-Khač hăng hơdôm tơlơi pơkôl bơdjơ̆ nao; pơtrut ngă hrŏm, pơđĭ kyar kual giăm guai, hrŏm hăng pơjing guai lŏn ia kơplah wah dua bơnah rơnuk rơnua, giang mah, hơđong, ngă hrŏm hăng pơđĭ kyar.