Ƀơi anăp bơngat jua Khua mir sir Hồ Chí Minh, Grŭp khua pơ ala hmâo pơdah pran jua hơdor tơngia pơdah pran jua thâo tơngia prong prin, pơpŭ hơdor tơngiă pran jua tuh rơyuh prong prin mơ̆ng Ñu pioh kơ bruă ngă hơkrŭ mơ̆ng Ping gah hăng djuai ania ta. Ñu hmâo tuh rơyuh abih ha rơnuk pô kơ mơnuih ƀôn sang, kơ lŏn ia, čung ba Ping gah ta, mơnuih ƀôn sang ta pơjing hơdôm bôh than prong ư-ang.

Guang bơnga mơ̆ng Grŭp hmâo čih bôh hră: "Na nao hơdor tơngia kơ Khua mir sir Hồ Chí Minh krên dên" Gru grua lŏn ia na nao djă pioh hrơi mông lơm 11 mông 30 mơnit lơ 30/4/1975 lơm khăn gru ngă hơkrŭ por đĭ hăng bơbung sang Dinh Độc Lập - anih anom phun tuč rơnuč mơ̆ng gong gai Sài Gòn. Mơ̆ng anai, kual Dơnung dêh čar hmâo tlaih rơngai abih bang, lŏn ia Việt Nam lơpir hơbit sa ruăi. 49 thun tơdơi kơ tlaih rơngai, Việt Nam mơ̆ng sa bôh lŏn ia ƀun rin, hmâo yak rơgao djop tơlơi tơnap, tơlơi lông, amăng ƀrư̆ hmâo mă hơdôm bôh than prong, jing sa amăng hơdôm lŏn ia gah ƀut hơdôm bôh dêh čar đĭ kyar prong amăng kual hăng rŏng lŏn tơnah./.