Lăi pơtong, bruă mă pơkjăp brơi kơ lŏn ia, pơgang rơnuk rơnua dêh čar jing bruă mă kơđi čar phun, yôm phara biă mă kơ ling tơhan dêh čar ta, dưi hơmâo ping gah, Wa Hô hăng mơnuih ƀôn sang jao brơi; pơkă tơhnal bruă khom ngă amăng rơnuk phrâo, kơtrâ̆o biă mă hăng yôm hloh, ăt hing ang mơ̆n amăng rơnuk anai,

Khua dêh čar ơi Phạm Minh Chính lăi pơtong, Ping gah, Kơnuk kơna đăo kơnang hăng čang rơmang biă mă abih bang khua mua, ling tơhan brơi djă kjăp kơnuih hiam bruă hơkrŭ, gru grua hing ang mơ̆ng ling tơhan mơnuih ƀôn sang Việt Nam khin hơtai; thâo gum pơgôp, pơblih phrâo, glăm ba, khut khăt kiăng kơtang, ngă giong hiam klă bruă jao, lăp hăng anăn “Tơhan rơnuk Wa Hồ” lăp hăng tơlơi Wa Hô pơtô lăi: “Bruă pơpă hai ăt khom ngă giong, ƀing ayăt hlơi ăt khom blah dưi"; lăp hăng tơlơi đăo kơnang, tơlơi khăp pơpŭ mơ̆ng Ping gah, Kơnuk kơna hăng mơnuih ƀôn sang.