Khua dêh čar ơi Phạm Minh Chính pơpŭ dêh čar Malaysia ruah ngă Khua git gai kual ASEAN thun 2025; pơsit tong Việt Nam amra pơgôp kiăng pơgiong truh kih Thun ASEAN 2025. Khua ding jum bơwih ƀong huă Malaysia pơdah tơlơi lăng yôm rơnoh pơđĭ kyar bơwih ƀong huă kơtang mơng Việt Nam amăng 10 thun rơgao. Ñu brơi thâo anai lĕ hrơi mông lăp djơ̆ kiăng Malaysia hăng Việt Nam kơtưn ngă hrŏm, sit biă ñu lĕ bruă mă phrâo kar hăng pơplih yua apui lơtrik; pơkra pơjing gơnam măi mok; mut hrŏm hơdôm bruă pơlir pơkra pơjing hăng sĭ mơdrô.

Khua dêh čar ơi Phạm Minh Chính hăng Khua ding jum bơwih ƀong huă Malaysia ăt pơlăi nao rai kơ hơdôm bruă amăng kual hăng jar kmar dua bơnah đing nao, amăng anun hơmâo bruă kual ia rơsĭ ngŏ; sit biă ñu kơtưn gum hrŏm, dong yua tơdruă amăng hơdôm mông jơnum djop bơnah.