Khua dêh čar ơi Phạm Minh Chính pơdah pran jua lăng yom biă mă kơ anŏ pơđĭ kyar kơtang mơ̆ng dêh čar UAE, amăng anun hơmâo Dubai. Khua dêh čar lăng yom Anom bruă prăk kăk Dubai, sa amăng hơdôm anih anom prăk kăk mrô sa ƀơi rŏng lŏn tơnah. Khua dêh čar ta rơkâo, Anom bruă prăk kăk Dubai ngă hrŏm hăng Việt Nam pơđĭ kyar bruă bơwih bơwang brơi prăk kăk, djru pơdong anih anom git gai yua prăk kăk ƀơi ƀôn prong Hồ Chí Minh.

Ơi Arif Amtiti brơi thâo, amra djru hăng kah pơpha tơlơi thâo thăi man pơdong anih git gai yua prăk kăk hăng ngă hrŏm Việt Nam amăng bruă pơblih nao rai yua prăk kăk. Khua anom bruă git gai yua prăk kăk Dubai čang rơmang tañ dưi rai čuă jơmư Việt Nam, boh nik ñu ƀôn prong Hồ Chí Minh kiăng pok pơhai tum teč hloh boh yom phun ngă hrŏm tui hăng tơlơi rơkâo mơ̆ng Khua dêh čar Việt Nam ơi Phạm Minh Chính.