Khua dêh čar ơi Phạm Minh Chính tŭ jum Khua khul pơlir hơbit hơdôm khul pơdŭ pơgiăng gơnam jar kmar
Thứ tư, 10:03, 10/07/2024
VOV/Siu Đoan Pơblang
VOV/Siu Đoan Pơblang
VOV4.Jarai-Tlam tom brơi (9/7), ƀơi Ƀirô Kơnuk kơna, Khua dêh čar ơi Phạm Minh Chính tŭ jum Khua khul pơlir hơbit hơdôm khul pơdŭ pơgiăng gơnam jar kmar (FIATA) ơi Turgut Erkeskin glăk rai čuă, mă bruă ƀơi Việt Nam.
Amăng mông bưp, Khua dêh čar ơi Phạm Minh Chính lăng yôm bruă FIATA hơmâo djru brơi khul bơwih ƀong sĭ mơdrô bơwih bơwang logistics Việt Nam pơphun jơnum FIATA amăng thun 2025. Ñu brơi thâo ră anai, Kơnuk kơna Việt Nam glăk pok pơhai bruă pơjing hơdră pơđĭ kyar logistics Việt Nam rơwang thun 2025-2035, anăp nao truh thun 2045, Khua dêh čar rơkâo FIATA pơlăi nao rai tơlơi pơhing, črâo ba, djru brơi bruă yua boh thâo phrâo hăng pơplih mơtah, đing nao hơdôm hơdră pơđĭ kyar logistics ngă hmua, tuh tia pơkra ming, pơđĭ kyar grup ƀattô Việt Nam, hơdôm bơnah bơwih ƀong sĭ mơdrô-pơdŭ pơgiăng hăng djru boh thâo kiăng Việt Nam tan pơgiong hơdră bruă dêh čar amăng pơđĭ kyar logistics amăng thun 2024.
Viết bình luận