Amăng tơlơi giăng mah, mơ-ak phăk hăng tơpă, dua gơñu pơsit yôm hơdôm yak pơđĭ kyar hloh kơ rơnoh amăng tơlơi rô nao rai dua bơnah kơplah wah Việt Nam hăng dêh čar A-rập Xê-út amăng 25 thun rơgao hăng tŭ ư gum hrŏm kơjăp pioh tơlơi rô nao rai dua bôh dêh čar pơđĭ kyar truh tơhnal dlông phrâo.

Hluai tui anun, dua gơñu tŭ ư pơtrut kơtưn bơkơtuai grŭp hơdôm gưl, biă ñu lĕ grŭp gưl dlông wot dua bơnah hăng gah rơngiao kơ hơdôm bruă bơkơtuai lu bơnah; ngă brơi bruă gum hrŏm bơwih ƀong jing phun than amăng tơlơi rô nao rai rai dua bôh bơnah, ngă brơi A-rập Xê-út jing sa amăng hơdôm bôh dêh čar tuh pơplai ba jơlan hlâo ƀơi Việt Nam hăng anăp nao bruă pơđĭ prăk pơhrui glăi gơnam sĭ nao rai dua bơnah truh rơbêh kơ 10 klai dolar Mi amăng thun 2030. Pơsit phun than gum hrŏm mơ̆ng dua bơnah lĕ pơplih phrâo, pơčeh phrâo, pơplih mơtah, pơplih mrô; ngă brơi bruă pơtô pơhrăm, tuai čuă ngui, mơnuih mă bruă bơkơtuai mơnuih ƀôn sang jing phun akha gơgrong kơjăp kơ tơlơi rô nao rai dua bôh dêh čar./.