Tui tơlơi lăi pơthâo glăi, tơlơi bơwih ƀong mơnuih mơnam blan 7 hmâo jơlan gah klă dong, ba glăi bôh tơhnal klă hloh blan 6, yap hrŏm 7 blan klă hloh hăng thun hlâo amăng kah hăng abih bang hơdôm bruă. Rơđah biă ñu lĕ bruă črâo ba git gai gah phun ñu hmâo tơlơi găn rơgao hloh, gơgrong hlâo pơplih tañ, lăp djơ̆, djơ̆ hăng bôh nik hloh; Đĭ kyar dưi pơtrut ƀơi wot 3 kual sang măi, đang hmua, sĭ mơdrô.

Hơdôm bruă biă ñu mơ̆ng bruă bơwih ƀong pơplih phrâo klă dong; lu tơlơi dô̆ đông glăi dưi đing nao pơtlaih; Hơđong tơlơi hơdip mơda mơnuih mơnam dưi pơhlôm. Klah čun mông jơnum, Khua dêh čar ta ơi Phạm Minh Chính rơkâo hơdôm gưl, hơdôm gơnong bruă, hơdôm tơring čar, ƀôn prong khom ngă tui ha amăng plĕ dong, khut khăt hơdôm bruă jao, jơlan pơsir ba tơbiă amăng hơdôm bruă hăng pran jua: Pơsit prong, gir run abih pran jua pô, ngă tui khut khăt, pơhlôm bôh tơhnal ba glăi, hrưn đĭ ngă tui truh kih abih bang hơdôm tơhnal ba tơbiă, bruă jao mơ̆ng thun 2024; Khom pơtrut kơtang hloh dong bruă pơsir prăk yua kơ bruă hrŏm, 3 jơlan hơdră pơkă mơ̆ng lŏn ia; Đing nao pơsir pơđut hơdôm tơlơi dô̆ đôm glăi, pioh sui hrơi./.