Pơhiăp amăng mông jơnum, Khua dêh čar ta ơi Phạm Minh Chính lăi rơđah, pơplih phrâo pơphun hăng bruă mă mơ̆ng Gong gai dêh čar tui jơlan gah rơguăt, ngă tui, ba glăi bôh tơhnal; pơphun ding jum lu gơnong bruă, lu mơta bruă; hrŏ trun lăp djơ̆ mrô hơdôm ding jum, ƀirô dưm kơnar hăng ding jum; pơtrut kơtang pơpha gưl, bruă apăn lăp djơ̆ kơplah wah dêh čar hăng tơring čar, ƀôn prong, ... jing rah tơhnal ba tơbiă, hăng jing rah bruă jao, jơlan pơsir yôm phăn pioh pơjing bruă mă čar djru mơnuih ƀôn sang, phiăn dưi, juăt bruă, phrâo rơnuk anai.

Khua dêh čar ta rơkâo hơdôm ding kơna amăng Grŭp črâo ba bơkơtuai pơsit rơđah tơhnal pơkă pơdŏng Akô̆ bruă klah čun, tui hăng kâo Akô̆ bruă klah čun khom hmâo 2 tơhnal pơkă: Kơsem min, pơsit hmâo glông jơlan, pơhlôm akô̆ tlôn gah bruă apăn, bruă mă, tơlơi dưi hăng hơdră pơphun bruă mơ̆ng 4 rơwang bruă Gong gai (mơ̆ng tal XII truh tal XV); Ba tơbiă tơlơi pơmin, tơhnal pơkă, jơlan gah pơsit bruă jao, jơlan pơsir kơ ngă giong bruă apăn, bruă jao, tơlơi dưi hăng hơdră pơphun bruă mơ̆ng rơwang bruă Gong gai tal 16 hăng rơwang bruă tô̆ tui./.