Lăi pơthâo nao rai hơdôm tơlơi pơčeh phrâo pioh djru hơdôm Sang bruă pok phun bruă mă hăng mă bruă pơplih phrâo pơčeh phrâo ƀơi Việt Nam, Khua dêh čar ta brơi thâo, Việt Nam ngă tui ha amăng plĕ 5 ƀut bruă pơsir kơ ngă giong hơdră pơkă, hơdră bruă gum djru, pơtrut pơplih phrâo pơčeh phrâo hăng pok phun bruă mă; pok pơhai hơdôm jơlan hơdră hăng akô̆ bruă gưl lŏn ia kơ djru gah bruă pok phun pơplih phrâo pơčeh phrâo, djru čơđai sang hră, ƀing hrăm gưl dlông pok phun bruă mă, jơlan hơdră djru anom bơwih ƀong pơplih mrô, jơlan hơdră Tơlơi lông Pơplih phrâo pơčeh phrâo Việt Nam.

Khua dêh čar ta ơi Phạm Minh Chính ăt lăi pơthâo nao rai mơn lu tơlơi bơdjơ̆ nao kơčăo bruă pơđĭ kyar hăng tơhnal gal kơ hlăk ai Việt Nam amăng hơdôm bruă mă phrâo rŭ đĭ kah hăng bôh thâo pơčeh phrâo, chip pơđoh apui, anăn mă yua prong amăng măi; tơlơi trun tui đơ đam rŏng lŏn tơnah hăng hơdôm tơlơi hmâo tơhnal đơ đam rŏng lŏn tơnah pơkon./.