Tui hăng tơlơi lăi pơthâo glăi mơ̆ng Ding jum wai lăng tơlơi pơhing hăng pôr pơhing, pơplih mrô dưi pơtrut kơtang tui jơlan gah abih bang mơnuih ƀôn sang, pơhlôm akô̆ tlôn, hmâo bôh tơhnal sit nik, djru klă amăng tơlơi pơđĭ kyar bơwih ƀong mơnuih mơnam lŏn ia. Bruă bơwih ƀong mrô, mơnuih mơnam mrô pơđĭ kyar kơtang dong, gơnam mrô mơ̆ng anom bơwih ƀong dêh čar Việt Nam pơđĭ kyar hăng sĭ kơ djop dêh čar.

Pơhiăp klah čun mông jơnum, Khua dêh čar ta ơi Phạm Minh Chính djă pioh, bơni hăng pơsit yôm hơdôm tơlơi gir run hăng bôh tơhnal dưi ngă mơ̆ng hơdôm ding jum, gơnong bruă, tơring čar, ƀôn prong. Khua dêh čar ta lăi rơđah, ră anai ƀu hmâo “ngă pơphô hlâo”, dŏng tah mơ̆, khul “pơtrut tañ”, “pơplih phrâo” hrŏm hăng pơtrut kơtang. Pơtrut kơtang djơ̆ hrŏm tơlơi pơmin hăng bruă ngă mơ̆ng khua mua amăng pơplih mrô, ngă tui tơhnal ba jơlan hlâo, ngă gru hlâo; Pơtrut ngă giong hơdră pơkă, hơdră bruă, pioh pơtrut pơplih mrô, lăp djơ̆ hăng phiăn jar kơmar; pơtrut pơđĭ kyar bơwih ƀong mrô, mơnuih mơnam mrô, ană mơnuih mrô./.