Jao grač mut Ping gah, ƀơk bơnga hăng đĭ pơhiăp pơpŭ kơ Khua git gai Ping gah. Ding kơna Khul apăn bruă Ping gah dêh čar ơi Võ Văn Thưởng lăi rơđah, 55 thun dong amăng khul mơnuih apăn bruă Ping gah, ơi Nguyễn Phú Trọng hơmâo ngă lu bruă yôm phăn yua Ping gah, Kơnuk kơna hăng mơnuih ƀon sang jao, hơmâo lu tơlơi gum pơgôp prong prin amăng bruă kơđi čar mơng Ping gah hăng djuai ania ta, sit biă ñu amăng rơnuk pơplih phrâo, pơjing hăng wai pơgang lŏn ia.
Đĭ pơhiăp amăng mông ngă lơphet, Khua git gai Ping gah dêh čar ơi Nguyễn Phú Trọng ol kơdol brơi thâo, anai lĕ tơlơi pơpŭ yôm phăn, tơlơi pơ-ư ang prong prin mơng ñu pô; hăng amra tuh rơyuh pran jua gir run, akĕ phĭ tui tơlơi pơmĭn, bruă ngă hơkrŭ mơng Ping gah, gir hrăm tui hăng ngă tui tơlơi pơmĭn, tơlơi hơdip, bruă mă mơng Hồ Chí Minh, djơ̆ hăng pran gơgrong mơng sa čô mơnuih apăn bruă Ping gah.
Viết bình luận