Đại tướng Tô Lâm, Khua Ding jum Kông ang git gai mông Jơnum hăng pơhiăp amăng mông Jơnum djă pioh, bơni hăng pơsit yôm hơdôm bôh than, bruă mă mơ̆ khul kông ang mơnuih ƀôn sang hmâo ngă amăng hơdôm hrơi rơgao.
Gah bruă jao amăng blan 5 hăng pơ̆ anăp anai, Khua Ding jum Tô Lâm rơkâo Kông ang hơdôm bôh anom, plơi pla đing nao pok pơhai bruă pơhlôm rơnuk rơnua, hơđong hơdôm bruă mă hơdor glăi 49 thun Hrơi Tlaih rơngai kual Dơnung, pơlir hơbit lŏn ia (30/4), Hrơi Jar kơmar pioh mơnuih mă bruă (1/5) hăng hơdôm bruă mă hơdor glăi 70 thun hrơi tlaih rơngai Điện Biên Phủ (7/5). Hơdôm khul tơhan ƀơi anăp mă bruă pơhlôm pơgang rơnuk rơnua, hơđong, gum hrŏm rơbat trui, rơbat dar ƀơi mông ngă Lơphet hơdor glăi 70 thun tlaih rơngai Điện Biên Phủ lăng yôm pran jua gơgrong, pơsir djop tơlơi tơnap, khut khăt ƀu pioh hmâo tơlơi soh truh khă anet hai./.
Viết bình luận