Grup hơmâo nao čuă yă Phạm Thị Sinh (tơkeng thun 1930, dŏ ƀơi kuâ̆n Bình Thạnh), jing mơnuih djru bruă blah ngă ƀơi Điện Biên Phủ. Yă Phạm Thị Sinh hơmâo brơi Miđai Blah dưi mrô 2. Tơdơi kơ anun, grup nao čuă ơi Nguyễn Đình Xướng (tơkeng thun 1934, dŏ ƀơi kuâ̆n Bình Thạnh). Ơi Xướng gum blah ƀơi Điện Biên Phủ mơ̆ng hrơi blung a truh kơ pơđut hrơi blah ngă.
Pơ ala kơ grup khua, Khua Jơnum min pơ ala mơnuih ƀôn sang ƀôn prong Hồ Chí Minh yă Nguyễn Thị Lệ brơi thâo, rơnuk anai hơdor na nao tơlơi gum djru prong prin mơ̆ng ƀing khua tơhan, ling tơhan, hlăk ai, mơnuih djru bơwih brơi bruă blah ngă hăng ling tơhan đơ đam dêh čar ta khin hơtai sông kơtang blah ayăt, djai drơi pô amăng rơnuk blah ƀơi Điện Biên Phủ, djru blah dưi ayăt Mi hing ang. Yă Nguyễn Thị Lệ čang rơmang dua čô tơhan hơđăp anai lêng kơ hiam drơi jăn, hơdip mơ-ak hăng ană tơčô, pơtrut tui na nao pran jua tơhan Wa Hồ, hơmâo lu tơlơi gum pơgôp hloh či akŏ pơdong plơi pla jai hrơi pơđĭ kyar.
Viết bình luận