Anai lĕ, sa amăng hơdôm pok Hră pơtrun yôm phrâo hơmâo ƀing khua mua pơ ala mơnuih ƀôn sang tơring čar Dak Lak pơsit lơ̆m jơnum kơsem min sa hnong bruă lok 12, tal X, rơwang bruă thun 2021-2026. Rơnoh prăk mơ̆ng “Kơčăo bruă man pơdong 1.200 boh sang kơ mơnuih ƀun rin, tơnap tap kơƀah sang dŏ, sang anŏ hơmâo anăn kơnuk kơna djru hăng mơnuih djuai ƀiă amăng tơring čar Dak Lak” lĕ 96 klai prăk. Amăng anun, 60 klai prăk yua Ding jum kông an jak iâu pơčruh, tơring čar Dak Lak djru hrŏm 24 klai. 12 klai prăk dŏ glăi kông an tơring čar Dak Lak ngă hrŏm djop anom bruă ping gah, gong gai kơnuk kơna djop tơring glông, plơi prong pơčruh.
Ƀơi mông jơnum kơsem lăng sa hnong bruă lok 12 khua mua pơ ala mơnuih ƀôn sang tơring čar Dak Lak tal X, ƀing pơ ala tŭ ư pơsit hĭ “Hră pơtrun djru prăk man pơdong 1.200 boh sang kơ mơnuih ƀun rin sang anŏ tơnap tap kơƀah sang dŏ, sang anŏ kơnuk kơna djru, mơnuih ƀôn sang djuai ƀiă amăng tơring čar Dak Lak thun 2024, rơnoh djru 24 klai mơ̆ng prăk gong gai kơnuk kơna tơring čar.
Viết bình luận