Rơwang mơ̆ng 2021-2023, pơkă hlâo ngăn drăp Kơnuk kơna dêh čar ta jao ngă tui Jơlan hơdră pơkă mơ̆ng lŏn ia ƀơi tơring čar Dak Lak giăm truh 1 rơbâo 500 klai prăk, ngăn drăp tơring čar rơbêh kơ 130 klai prăk. Khă hnun hai, tơring čar phrâo pơsir mă rơbêh kơ 800 klai prăk.
Bruă pơsir prăk kaih hmâo bơdjơ̆ truh prong laih bruă pok pơhai hơdôm rơwang bruă ƀơi tơring čar. Tui Tơlơi pơsit pel ĕp hmâo lăi pơthâo, Grŭp pel ĕp bruă ngă tui Jơlan hơdră pơkă mơ̆ng lŏn ia pơđĭ kyar bơwih ƀong - mơnuih mơnam kual neh wa djuai ania ƀiă hăng kual čư̆ siăng ƀơi tơring čar Dak Lak hmâo 6 ding kơna. Amăng rơwang 45 hrơi mă bruă sit nik, yap mơ̆ng hrơi lăi pơthâo Tơlơi pơsit anom pel ĕp, grŭp pel ĕp amra hmâo tơlơi rơkâo lăi pơthâo glăi, lăi pơthâo tơlơi pơhing kơ hră pơ-ar pơhrua nao kơ bruă ngă tui Jơlan hơdră mơ̆ng thun 2021-2023./.
Viết bình luận