Dak Lak pơphun ngă lơphet ba nao, dor tơlang tơleh ling tơhan pơsăn drơi ƀơi dêh čar Kur
Thứ năm, 09:54, 23/05/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Čơtlăm lơ 22/5, Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar Dak Lak pơphun ngă Lơphet ba nao, dor tơlang tơleh 27 čô ling tơhan pơsăn drơi găn rơgao hơdôm tal blah ngă.
Tơdơi giăm hmâo 7 blan pơphun hyu hơduah ĕp, hăng tơlơi gum djru, gum hrŏm mơ̆ng gong gai hăng mơnuih ƀôn sang tơring čar Mondulkiri (Kur), ƀing ling tơhan pơsăn drơi dưi ba glăi dor ƀơi Pơsat ling tơhan pơsăn drơi tơring čar Dak Lak.
Abih bang hơdôm tơlang tơleh ling tơhan pơsăn drơi leng kơ hmâo ƀu thâo anăn păn, plơi pla. Thượng tá Trịnh Ngọc Kiệm, Khua Grŭp K51 (Grŭp hyu ĕp kuai ba glăi ling tơhan pơsăn drơi Khul gơgrong pô gum djru hăng ƀing juăt bruă Việt Nam) brơi thâo, bơyan phang khŏt thun anai ngă kơtang hloh bơhmu hăng djop thun, samơ̆ hăng pran jua pơsit prong, Grŭp hmâo hơduah ĕp laih, kuai hmâo mrô tơlang tơleh ling tơhan pơsăn drơi lu hluh amăng 5 thun jê̆ hăng anai./.
Viết bình luận