Mơguah lơ 25/6, tui mông dêh čar Khač, ƀơi ƀôn prong Đại Liên, Khua dêh čar ta ơi Phạm Minh Chính hơmâo tơlơi đĭ pơhiăp yôm biă mă ƀơi mông pok jơnum abih bang tơđar thun tal 15 mơ̆ng hơdôm dêh čar kơsung nao hlâo pơčrong sai bơwih ƀong huă rŏng lŏn tơnah ƀơi Đại Liên (iâu klah čun WEF Đại Liên) hrŏm hăng khua dêh čar Khač ơi Lý Cường, Khua mir sir dêh čar Ba Lan, ơi Andrezei Duba, Khua jơnum pơčrong sai bơwih ƀong huă rŏng lŏn tơnah, Klaus Schwab. Đĭ pơhiăp hrŏm amăng mông pok jơnum, Khua dêh čar ta ơi Phạm Minh Chính lăng yôm tơlơi gơgrong ba bơwih ƀong huă dêh čar Khač hăng rơnoh pơđĭ kyar lu ƀơi rŏng lŏn tơnah ră anai.

Jing dêh čar ieo gah jĕ giăm, čư̆ tir čư̆, ia krông rô hrŏm sa hnoh, hrŏm hơbit akŏ pơdong Khul gum hơbit kah pơpha bruă kơñ pơgi Việt Nam hăng Khač hơmâo anŏ tŭ yua yôm pơphăn biă mă, Việt Nam hok mơak ƀơi anăp rơnoh pơđĭ kyar mơ̆ng dêh čar Khač. Việt Nam čang rơmang hăng đăo kơnang Khač ăt djă bong kjăp anŏ glăm ba, pơtrut khul ngă hrŏm jing pran kơtang pơđĭ kyar, pơtrut kơtang hloh bruă ngă hrŏm lu dêh čar, kơtưn tơlơi gum pơgôp, mut hrŏm jar kmar, wai pơgang anih hơdip jum dar rơnuk rơnua, hơđong, hơdai pơdjru nao rai, pơđĭ kyar pơdrong sah hing ang amăng kual hăng amăng rŏng lŏn tơnah. Sa boh dêh čar atur bơwih ƀong huă Khač hrưn đĭ pô, kơtang tit, mut phung prong ba glăi lu boh tơhnal klă pơtrut ba rŏng lŏn tơnah ngă hrŏm.