Hăng abih tih prăk tuh pơ alin giăm 17.400 klai prăk, amăng anun prăk duh pơhrui glăi lŏn giăm 8.280 klai prăk, man pơdong, dưm truă tui hơdră BOT hăng rơnoh prăk giăm 8.800 klai prăk. Nao pel ĕp bruă pok jơlan, Khua dêh čar ơi Phạm Minh Chính lăi pơtong anai lĕ jơlan akŏ phun, yôm biă mă, pơlir kơplah wah kual Dap kơdư, Ngŏ dơnung, tơdron rơdêh por Long Thành hăng hơdôm ară jơlan rơdêh đuăi hmar, tơdrun kŏmpăn…Khua dêh čar rơkâo 2 boh tơring čar Bình Dương, Bình Phước gum hrŏm kjăp, djru nao rai kiăng čuk pơkra tañ, amăng anun hơmâo ară jơlan găn nao tơring čar Bình Phước glông kơnong 7 km yua prăk pơ alin mơng kơnuk kơna kiăng tañ čuk pơkra, pơgiong tañ hloh.

Lơm pok pơhai, anom bruă man pơkra ngă gêh gal brơi anom bơwih ƀong sĭ mơdrô amăng ƀon lan ngă pô man pơkra djru tui tlôn kiăng man pơkra tañ, hơmâo bruă mă brơi mơnuih ƀôn sang, laih dong djru brơi anom bơwih ƀong sĭ mơdrô amăng ƀon lan juăt bruă tơdơi anai dưi man pơkra hơdôm ring bruă pơkŏn dong.