Khua dêh čar Cuba Manuel Marrero Cruz hmâo pơdah pran jua ư-ang dưi čơkă Khua git gai Ping gah, Khua mir sir dêh čar ta ơi Tô Lâm; Pơtŏng sit tal nao čuă mơ̆ng Khua git gai Ping gah, Khua mir sir dêh čar ta lĕ tơlơi yôm phăn gru grua amăng tơlơi rô nao rai kơplah wah dua bôh dêh čar. Khua git gai Ping gah, Khua mir sir dêh čar ta ơi Tô Lâm pơdah pran jua pơpŭ hăng pơsit yôm bôh than mơ̆ mơnuih ƀôn sang dêh čar Cuba dưi ngă amăng jơlan nao djop mơnuih dưm kơnar amăng hơdôm hrơi dô̆ bưp lu tơlơi tơnap.

Khua git gai Ping gah, Khua mir sir dêh čar ta ơi Tô Lâm hăng Khua dêh čar Cuba Manuel Marrero Cruz hmâo lăi pơthâo nao rai tơlơi gum hrŏm kơplah wah dua bôh dêh čar amăng hơdôm hrơi rơgao. Dua bơnah nao dơlăm lăi pơthâo nao rai hơdôm bruă mă kiăng pơđĭ tui bruă gum hrŏm Việt Nam – Cuba amăng lu bruă; biă ñu pơtrut kơtang hăng pơđĭ dlông ba glăi bôh tơhnal gum hrŏm bơwih ƀong, lăi rơđah dua bơnah kiăng đing nao, ngă tui klă hơdôm rơwang bruă gum hrŏm gah đang hmua, kơsem min anăp nao gum hrŏm phrâo ba glăi bôh tơhnal, kơjăp phik./.