Jơlan mrô 721 dưi đuăi nao rai tơdơi kơ Jơnum min mơnuih ƀôn sang tơring glông Dă Teh gum hrŏm hăng gơnong bruă wai lăng jơlan glông tơring čar Lâm Đồng pơphun dưm glăi đing pơđoh ia ƀơi anih lŏn tơhroh hăng čuk pơkra sa ară jơlan wer. Truh tlam lơ 26/9, ară jơlan anai hơmâo čuk pơkra giong lơm arăng tuh pơtâo, pơhlôm brơi rơdêh đuăi nao rai gêh gal.

Jơlan mrô 721 lĕ ară jơlan tơkuh nao rai 3 boh tơring glông gah dơnung tơring čar Lâm Đồng hơmâo Dă Huoai, Dă Teh hăng Cát Tiên. Hlâo anun, amăng tơring glông Dă Teh hăng Cát Tiên hơmâo hơjan prong sui hrơi, ia mơng hlao rô kơtang rôk tui čroh ia găn nao jơlan mrô 721, ngă pơčah bơbung drong pơđoh trun ia, ngă lŏn tơhroh dua bơnah jơlan, ngă rơdêh ƀu dưi đuăi nao rai.