Anai lĕ Grŭp mă bruă ia jrao ba jơlan hlâo dêh čar Japan, mă bruă ƀu yap kơ kơmlai, amăng anun sang hră gưl dlông pơtô bruă ia jrao, hơdôm bôh sang ia jrao, hơdôm khul grŭp tŭ yua amăng đơ đam dêh čar. Pơhiăp amăng mông tŭ jum, Kơ-iăng Khua dêh čar ta ơi Lê Thành Long brơi thâo, tơlơi rô nao rai kơplah wah Việt Nam – Japan glăk amăng rơwang pơđĭ kyar klă hiam.

Hơdôm rơwang bruă gum hrŏm hăng Japan ba glăi lu bôh tơhnal klă kơ bruă bơwih brơi tơlơi suaih pral mơnuih ƀôn sang Việt Nam. Gum hơgôp mut amăng bôh tơhnal hrŏm anai hmâo lu tơlơi gir run mơ̆ng Grŭp IHW hăng ơi Takagi Kuninori. Kơ-iăng Khua dêh čar ta bơni Grŭp IHW kơsem min, pok pơhai hơdôm rơwang bruă tuh pơplai hăng pơdŏng sang ia jrao tui hơdră Japan ƀơi Việt Nam; čang rơmang hơdôm rơwang bruă mơ̆ng IHW amra truh kih, djru mơnuih ƀôn sang Việt Nam hmâo tơhnal gal bơwih brơi tơlơi suaih pral hăng măi mok phrâo, bơwih bruă ia jrao rơnuk anai, lăp đăo kơnang, tŏng ten./.