Lơ 15/11, Ping gah tơring čar Dak Nông pơphun Jơnum lăi pơthâo 6 tơlơi pơsit mơ̆ng Grŭp apăn bruă Ping gah tơring čar kơ bruă mơnuih apăn bruă. Kiăo tui anun Grŭp apăn bruă Ping gah tơring čar Dak Nông pơsit brơi pơdơi bruă ngă Khua Grŭp pơtô ba mơnuih ƀôn sang Ping gah tơring čar hăng yă Hà Thị Hạnh – Khua Grŭp pơtô ba mơnuih ƀôn sang Ping gah tơring čar, Khua Jơnum min djop djuai ania mơnuih mơnam dêh čar Việt Nam tơring čar, yap mơ̆ng lơ 20/11/2024. Ơi Lê Văn Chiến, Kơ-iăng Khua Jơnum min mơnuih ƀôn sang tơring čar dưi brơi nao, pơpha bruă, ruah ngă Khua Grŭp pơtô ba mơnuih ƀôn sang Ping gah tơring čar Dak Nông.

Ăt amăng mông jơnum mơn, Ping gah tơring čar Dak Nông hmâo lăi pơthâo tơlơi pơsit kơ bruă brơi nao, ruah ơi Nguyễn Văn Thanh – Kơ-iăng Khua Grŭp pơtô ba mơnuih ƀôn sang tơring čar gum hrŏm Grŭp mă bruă, Grŭp apăn bruă, ngă Kơ-iăng Khua git gai Ping gah tơring glông Dak Song, rơwang bruă 2020-2025. Brơi nao, ruah ơi Lê Ngọc Quang, Khua Gơnong bruă bôh thâo, bơkơjăp drơi jăn hăng tuai čuă ngui Dak Nông ngă Kơ-iăng Khua Grŭp pơtô ba mơnuih ƀôn sang Ping gah tơring čar yap mơ̆ng lơ 20/11/2024. Brơi nao, ruah ơi Phạm Đức Lộc, Kơ-iăng Khua git gai Ping gah tơring glông Dak Song ngă Kơ-iăng Khua Grŭp pơtô ba mơnuih ƀôn sang Ping gah tơring čar yap mơ̆ng lơ 20/11/2024. Tơlơi pơsit pơhrư̆i hrơi ngă Kơ-iăng Khua Grŭp pơtô ba mơnuih ƀôn sang Ping gah tơring čar hăng ơi Lê Sỹ Tuân yap mơ̆ng lơ 23/10/2024 truh kơ hrơi hmâo djop thun pơdơi lơtret./.