Khua dêh čar rơkâo Lạng Sơn ba jơlan hlâo amăng pok pơhai pơjing bah amăng jang rơgơi ƀơi bah amăng jang giang mah hăng prong 14 bơnah jơlan rơdêh nao rai hăng kiăo tui anun tŏ tui pok phư hơdôm boh amăng jang, ƀôn lan pơkŏn dong; git gai djop ƀon lan gir run pơlăi nao rai hăng dêh čar Khač kiăng pok pơhai tui tơlơi pơkôl hơmâo ba tơbiă mơng Khua mua dua bơnah.

Ding jum prăk kak kah pha prăk kak kiăng pơhlôm kơ bruă pơjing bah amăng jang rơgơi kơplah wah Lạng Sơn hăng Quảng Tây (Khač); djop ding jum gir run mut hrŏm, mă bruă abih pran jua. Khua dêh čar lăi pơtong Lạng Sơn kiăng đing nao ngă klă hơdôm bruă pơgang rơnuk rơnua, pơtrut kơtang bruă pơtom hiăp, pơtrut sĭ mơdrô, hrưn đĭ ngă tui klă tơlơi phiăn ƀơi kual giăm guai, bah amăng jang, pơjing jơlan guai rơnuk rơnua, giang mah, ngă hrŏm, pơđĭ kyar.