Anai lĕ tal 2, mông jơnum pơphô “Khua pơ ala čơđai muai” dưi pơphun. Mông jơnum pơphô “Khua pơ ala čơđai muai” thun anai hmâo tơlơi gum hrŏm mơ̆ng 306 čô mơnuih pơ ala lĕ ƀing čơđai amăng khul čơđai mơbruă mơ̆ng 63 bôh tơring čar, ƀôn prong amăng đơ đam dêh čar. Mơnuih pơ ala dưi ruah mă mơ̆ng Khul čơđai muai hơdôm gưl hmâo ngă laih bruă bưp mơnuih pơ ala kơ mơnuih ƀôn sang, hmư̆ tơlơi gum pơhiăp mơ̆ng mơnuih pơ ala kơ mơnuih ƀôn sang mơ̆ng plơi pla.

Gum hrŏm mông jơnum anai, ƀing čơđai dưi ngă Khua pơ ala mơnuih ƀôn sang hăng hơdôm bruă apăn git gai phun mơ̆ng Khua pơ ala mơnuih ƀôn sang, Gong gai gum hrŏm mông jơnum mơ̆ng Khua pơ ala mơnuih ƀôn sang pioh bơkơtuai 2 mơta tơlơi: Pơgang pơgăn taih amang amăng sang hră” hăng "Pơgang anô̆ sat răm mơ̆ng hot djup, hot jrao, biă ñu amăng anih anom hrăm hră”. Hrŏm hăng mông bơkơtuai pơphun amăng čơtlăm anai, ăt amra pơphun mơn mông tơña pơphô kơ 2 mơta tơlơi anai ƀơi Sang rông Diên Hồng Sang mă bruă Khua pơ ala mơnuih ƀôn sang pơphun amăng mơguah pơgi (29/9), amra hmâo tơlơi gum hrŏm mơ̆ng Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hăng khua mua hơdôm Ding jum, Grŭp, Gơnong bruă./.