Kiăo tui bruă kơđi čar, bruă hơmâo jao, bruă bơkơtưn, pơlir hăng bruă bơkơtưn truh kih khăp kơ lŏn ia, 5 thun rơgao, tơhan pơgang guai tơring čar Kon Tum hơmâo pơphun 18 wơ̆t bơkơtưn phun, 11 wơ̆t bơkơtưn ƀu lăi pơthâo hlâo, pơƀut ngă truh kih djŏp bruă yôm phun, tơnap tap.

Pơhiăp ƀơi mông Jơnum, pơ ala kơ Ping gah, Anom git gai tơhan pơgang guai, Thiếu tướng Nguyễn Đức Mạnh, Kơ-iăng khua Tơhan pơgang guai tŭ yap, pơpŭ bơni, lăng yôm hơdôm tơlơi mơ̆ Tơhan pơgang guai tơring čar Kon Tum hơmâo ngă amăng 5 thun rơgao. Laih dong, kiăng Tơhan pơgang guai tơring čar Kon Tum ngă tui dlăm hloh tơlơi pơmin pran jua hơkrŭ mơ̆ng Khua mir sir Hồ Chí Minh “Bơkơtưn jing khăp kơ lŏn ia, khăp kơ lŏn ia khŏm bơkơtưn. Laih anun ƀing bơkơtưn ngă bruă jing mơnuih khăp kơ lŏn ia hloh”.