Lăi pơtong, Ping gah, Kơnuk kơna kiăng djru ba kơ djop sang anŏ Việt Nam, boh nik ñu ngă tui sa jơlan hơdră pơtrun “Ƀu lui kơ hlơi dŏ glăi pơ klôn ôh”, Khua mir sir bơni laih anun lăng yôm gong gai kơnuk kơna hăng mơnuih ƀôn sang ƀơi plơi pla anai dưi ngă, hơmâo ba glăi boh tơhnal amăng bruă mă pơgang tơlơi hơdip mơda brơi mơnuih ƀôn sang thun blan laih rơgao, amăng anun hơmâo plơi Đường Lâm jing sa amăng hơdôm boh să ba jơlan hlâo ƀơi plơi prong Sơn Tây, kơ bruă man pơdong plơi pla phrâo hiam klă hloh, ngă giong 80% tơhnal pơkă, ƀu hơmâo sang anŏ ư̆ rơpa ƀun rin, mơnuih ƀôn sang thâo gum pơgôp, djru nao rai mă bruă pơđĭ kyar hrŏm, jing mơnuih tơpuôl dŏ hrŏm thâo rơgơi mơak klă, rơnuk rơnua hăng gum pơgôp.

Anăp nao hơdor glăi lu tơlơi jơnum prong ƀơi Sơn Tây thun 2024, Khua mir sir đăo kơnang plơi prong Sơn Tây lăi hrŏm hăng să Đường Lâm hnun mơ̆n, amra pơtrut ngă tui lu boh tơhnal tŭ yua prong hloh, gum pơgôp man pơdong plơi pla phrâo hing ang pơdrong sah, hơmâo dơ̆ng lu mơnuih rơgơi kơhnâo djru hrŏm amăng bruă pơđĭ kyar lŏn ia.