Kơčăo bruă čuk jơlan phrâo Gia Nghiã-Chơn Thành pơtrut bơwih ƀong huă ƀơi Dap Kơdư
Thứ bảy, 07:19, 29/06/2024
VOV/Nay Jek pơblang
VOV/Nay Jek pơblang
VOV4.Jarai-Mơguah lơ 28/6, ƀing pơ ala mơnuih ƀôn sang dêh čar hơmâo pơsit hră pơtrun brơi ngă tui jơlan hơdră tuh pơ alin kơčăo bruă čuk pơkra jơlan rơdêh đuăi hmar mơ̆ng kual Kơdư nao pơ Dơnung gah yŭ, črăn mơ̆ng Gia Nghĩa tơring čar Dak Nông nao truh pơ Chơn Thành, tơring čar Bình Phước hăng lu khua mua tŭ ư.
Boh glông ataih jơlan anai 128,8 km, rơmoh prăk tuh pơ alin abih tih 25.500 klai prăk, jơlan phrâo anai mơ̆ng Gia Nghĩa nao pơ Chơn Thành hơmâo čuk pơkra mơ̆ng thun 2024, him lăng truh thun 2027 giong, pơsir hĭ anŏ kơniă kơđông jơlan laih anun ming pơkra hiam atur jơlan rô, ngă gêh găl pơđĭ kyar bơwih ƀong huă mơnuih mơnam, pơgang rơnuk rơnua, hơđong amăng kual Dap Kơdư hăng kual Ngŏ Dơnung. Ơi Ngô Thanh Danh, Khua git gai ping gah tơring čar, Khua grup ƀing pơ ala mơnuih ƀôn sang dêh čar mơ̆ng Dak Nông lăi, anai lĕ jơlan yôm biă mă bơwih brơi abih bang tơlơi bơwih ƀong huă mơnuih mơnam, pơgang rơnuk rơnua, hơđong djop mơta amăng tơlơi hơdip mơda ƀu kơnong hơjăn tơring čar Dak Nông đôč ôh, dŏ yap abih bang kual Dap Kơdư.
Viết bình luận