Jao hră pơsit mơng Ding jum kơđi čar brơi kơ ơi Nguyễn Hữu Đông, ơi Phan Đình Trạc, Ding kơna Ding jum kơđi čar, Khua apăn bruă Ping gah dêh čar, Khua anom djru bruă Ping gah pơsit tong, găn rơgao lu anih mă bruă, ơi Nguyễn Hữu Đông lêng pơdah ñu lĕ mơnuih apăn bruă rơgơi kơhnâo, kjăp amăng kơđi čar, lêng kơ ba gru, gơgrong mơng sa čô mơnuih apăn bruă Ping gah, hơmâo jơlan hơdră bruă mă klă hloh, ngă pô lăp djơ̆ hăng tơlơi pơkă.

Đĭ pơhiăp lơm jao đĭ ngă kơ-iăng Khua anom djru bruă Ping gah dêh čar ơi Nguyễn Hữu Đông brơi thâo bruă jao phrâo lĕ tơlơi pơ-ư ang prong biă mă samơ̆ ăt kiăng gơgrong pơgiong bruă jao. Čang rơmang tŏ tui hơmâo tơlơi đing nao, gum djru mơng khua mua amăng Ding jum kơđi čar, Khul git gai Ping gah, tơlơi gum hrŏm, djru ba mơng khua mua, mơnuih apăn bruă Ping gah amăng Khul djru bruă gơnong glông kiăng ñu pô dưi pơgiong bruă jao.