Tŭ jum khua anih jưh dêh čar Colombia Miguel Angel Rodriguez Melo, Khua mir sir pơsit Việt Nam lăng yôm tơlơi gơgrong bruă, tơlơi hmư̆ hing mơ̆ng Colombia ƀơi kual Mỹ Latinh laih anun brơi thâo Việt Nam dong yua biă tơlơi rơngai ƀơi Colombia, čang rơmang pơđĭ tui tơlơi ngă hrŏm amăng abih bang bruă, wơ̆t hăng kơđi čar - pơtom hiăp, bơwih ƀong huă - sĭ mơdrô hăng ngă hrŏm pơtô pơjuăt, pơbưp nao rai mơnuih ƀôn sang, yua kơ tơlơi gêh gal mơ̆ng mơnuih ƀôn sang dua bơnah, gum pơgôp kơ tơlơi rơngai, hơđong, đĭ kyar ƀơi dua kual.

Tŭ jum Khua anih jưh pơ ala dêh čar Panama, Eligio Alberto Salas, Khua mir sir ơi Tô Lâm bơni biă kơ tơlơi gum pơgôp prong mơ̆ng Khua anih jưh amăng mông bơkơtuai khua mua djŏp gưl, sĭ mơdrô, pơphun jơnum pơƀuh gru grua boh thâo hiam. Khua mir sir čang rơmang đĭ kyar hloh dong hăng tŭ yua hloh tơlơi rô nao rai ngă hrŏm lu bruă kơplah wah dua boh dêh čar, wơ̆t kơđi čar hăng pơtom hiăp, bơwih ƀong - sĭ mơdrô, rô nao rai ƀơi ia rơsĭ, prăk kăk, pơbưp mơnuih ƀôn sang, yua kơ tơlơi klă hiam mơ̆ng mơnuih ƀôn sang dua bơnah, gum pơgôp tơlơi rơngai, hơđong, đĭ kyar ƀơi dua kual.