Tal hơdor glăi hăng anăn “Mơng thun tơlơi pơkă hrŏm hơdip rơnuk rơnua truh pơjing tơlơi hơdip djru nao rai mơng anai pơ anăp”. Nao ngă lơphet hơdor glăi hơmâo rơbêh 100 čô khua mua, ƀing mơnuih jak iâu, amăng anun hơmâo rơbêh 20 čô khua mir sir, Khua dêh čar hăng khua mua pơprong hơđăp mơng hơdôm boh dêh čar, hrŏm hăng ƀing rơgơi kơhnâo ngă giang mah.

Ơi Nông Đức Mạnh pơsit tong, hluai tui hơdră pơtom hiăp rơngai, ngă pô, djop mơta, dêh čar Việt Nam dong yua hăng amra mut hrŏm pơčeh phrâo mơng djop bơnah, amăng anun hơmâo tơlơi pơčeh rŏng lŏn tơnah mơng dêh čar Khač, hăng hơnong pơkă ba tơbiă yua tơlơi dưi hrŏm mơng ană mơnuih, tơlơi rơnuk rơnua hăng pơplih hiam klă mơng ană mơnuih tar ƀar rŏng lŏn tơnah, lăp djơ̆ hăng phiah phiăn Sang gum hơbit djop dêh čar, “Thun tơlơi pơkă hrŏm hơdip rơnuk rơnua” hăng tơlơi phiăn jar kmar.