Kon Tum pok pơhai bruă prap lui jơnum Ping gah djop gưl
Thứ sáu, 10:16, 28/06/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai- Lơ 27/6, Ping gah tơring čar Kon Tum pơphun jơnum tal 16 Khul apăn bruă Ping gah tơring čar tal XVI. Jơnum pơčrông sai bruă prap lui, pơphun jơnum Ping gah djop gưl hăng Jơnum khua mua Ping gah tơring čar tal XVII, rơwang thun 2025-2030.
Tui anun, hăng Jơnum khua mua Ping gah tơring čar tal XVII, Khul apăn bruă Ping gah tơring čar Kon Tum jao hơdôm grup pơjing akŏ bruă tong ten; Jơnum Ping gah gưl tơring glông hăng bơkơnar jao hơdôm Ping gah tơring glông, Ping gah plơi prong, Ping gah tơring čar, git gai, črâo ba jơnum gưl wai lăng hăng gưl ƀon lan djơ̆ hăng tơlơi črâo trun mrô 35 mơng Ding jum kơđi čar.
Ping gah tơring čar Kon Tum ruah Ping gah tơring glông Sa Thầy pơphun jơnum blung hlâo amăng rơwang II thun 2025, tơdơi anun pơphun djop anih hăng amra pơgiong amăng rơnuč blan 8/2025. Hăng gưl yŭ amăng Ping gah tơring čar Kon Tum tŭ ư hơmâo 14 khul Ping gah pơphun jơnum.
Viết bình luận