Tui tơlơi lăi pơthâo glăi, mơ̆ng thun 2020 truh ră anai, tơring čar Dak Lak hmâo mă yua laih 16 mơta hră pơ-ar pơkă tơlơi phiăn gah bruă Kơnuk kơna. Amăng mông mă bruă, tơring čar Dak Lak ăt lăi mơn sa dua tơlơi tơnap, tơlơi gun, akă gal lơm pok pơhai ngă tui bruă pel ĕp, pơsir hră pơ-ar pơkă tơlơi phiăn gah bruă kơnuk kơna wai lăng; hrŏm hăng anun rơkâo Ding jum wai lăng bruă Kơnuk kơna pel ĕp, ĕp glăi pioh pơpha bruă mă bruă apăn lăp djơ̆ hăng tơlơi ƀơi rim anih anom; pơtô brơi pơkă rơđah bruă hrŏ trun nai pơtô ƀong prăk kơnuk kơna gah bruă pơtô pơhrăm, djru pơhlôm rah ngă tui djơ̆ hơdră pơtrun pơsit, hăng pơhlôm rah mrô nai pơtô čơđai tui tơlơi pơkă...

Ơi Triệu Văn Cường, Kơ-iăng Khua Ding jum wai lăng bruă Kơnuk kơna, pơsit yôm hơdôm bôh tơhnal dưi ngă mơ̆ng tơring čar amăng hơdôm hrơi rơgao, hăng tơlơi rơkâo tơring čar khom pơhrua nao hăng pơblang sa dua tơlơi dô̆ kơƀah dưi črâo tơbiă amăng mông mă bruă./.