Pơtum glăi mông jơnum, ơi Nguyễn Trọng Nghĩa bơni kơ Khul khua apăn bruă ping gah tơring čar Dak Lăk lăng ba git gai ngă tui Akŏ bruă pel ĕp, wai lăng; gơgrong bruă, prăp lui klă djŏp tơlơi hơmâo pel ĕp; ngă hrŏm klă, tŭ yua hăng Grup hyu pel ĕp kơđi mơ̆ng Grup pơgang kơđi čar Ping gah.

Khua grup pel ĕp kiăng Khul khua apăn bruă Ping gah tơring čar Dak Lăk git gai črâo bruă, hơmâo hơdră pơsir tañ hơdôm tơlơi aka ƀu djơ̆ đah mơ̆ng dưi pơgang kơđi čar amăng lăm dêh čar, kiăo tui tơlơi hơmâo sit nik mơ̆ng tơring čar; pôr pơthâo abih bang, pok pơhai ngă tui djơ̆ hăng hră pơ-ar mơ̆ng Ping gah bơdjơ̆ nao bruă pơgang bruă kơđi čar.