Amăng mông pơtop hrăm, arăng amra pơhmutu lăng hlâo lĕ ƀơi să Ea Ktur, Ea Bhôk, Ea Ning hơmâo angĭn kruaih hăng hơjan pler, phun kyâo klah djơ̆ hrĕ apui lơtrik ngă pơčah, joh gong, tơ̆i hrĕ ƀu hơmâo apui yua amăng kual. Ƀing apăn bruă amra ječ ameč nao pơ anih răm rai, pel ĕp tong ten, hơdôm grup mă bruă amra pơlăi nao rai hăng kông ti kiăng hơmâo hơdră pơkra ming, pơkiăo nao lu mơnuih, rơdêh măi mok kiăng hmao tlôn pơkra ming.

Tơdơi kơ giăm 3 mông, hơdôm anom bruă hơmâo pơgiong bruă pơplih pơkra anih răm rai, tô glăi hrĕ apui lơtrik, trơ̆i hĭ than kyâo, pơhlôm huăi bơdjơ̆ nao dong tah. Hluai tui bruă pơtop hrăm anai, kông ti apui lơtrik Dak Lak kiăng răng kơđiăng amăng bruă pơkra ming ječ, tô glăi hrĕ apui lơtrik tañ hloh tơdah bưp tơlơi sat mơng ayuh hyiăng.