Sui mơng anai 70 thun laih, ƀing apăn bruă, ling tơhan hrŏm hăng ling tơhan, mơnuih ƀôn sang djop djuai ania tơring čar Gia Lai, hăng pran “Sông kơtang” gum pơgôp mut hrŏm kơdong glăi ayăt, ngă tui gru grua sông kơtang mơng ơi yă, ba glăi tơlơi blah dưi ƀơi Đăk Pơ hing ang. Tal blah dưi Đăk Pơ arăng lăng kar hăng Điện Biên Phủ mơng Kual pơlir V, anai lĕ tal blah wang prong ba glăi tơlơi dưi hing ang.

Tal blah dưi Đăk Pơ pok jơlan phun, pơgôp amăng bruă blah dưi pơkŏn ƀơi kual Ngŏ Gia Lai-Kon Tum tơlơi anai pơtrut dêh čar Prang khŏm kĭ tơlơi pơkôl Geneve thun 1954. Mơng sa boh tơring glông tơnap tap, truh ră anai hơmâo hrưn đĭ tong ten djop mơta amăng bơwih ƀong-mơnuih mơnam. Tơlơi hơdip kơ mơnuih ƀôn sang ƀu pơdơi đĭ tui, gru grua djop djuai ania hơmâo djă pioh, tŏ tui na nao.