Bơi mông čơkă jum, Khua mir sir ơi Tô Lâm lăi, Ping gah, Kơnuk kơna hăng mơnuih ƀôn sang Việt Nam lăng yôm biă mă tơlơi ngă giăng mah pŭ ƀăn yôm phara, jing adơi ayong sit nik hăng Cuba; pơdah pran jua hok mơak lơ̆m ƀuh tơlơi ngă pŭ ƀăn mơ̆ng dua bơnah  ƀu pơdơi ôh pơđĭ kyar hăng kjăp tui, hơmâo lu yak nao pơđĭ kyar hloh, hlom bom amăng hrơi blan mơ̆ ƀơi rŏng lŏn tơnah dŏ hơmâo na nao tơlơi rung răng tơnap tap. Kiăng pơtrut tui bruă ngă giăng mah kjăp hloh Việt Nam hăng Cuba, Khua mir sir rơkâo dua bơnah ăt djă bong hnong mă bruă, brơi khul khua mua dua bơnah čuă jơmư trư găn nao rai; hơdai gum hrŏm tong ten kiăng bruă ngă pŭ ƀăn kjăp hloh hăng dơlăm tui.

Hơdôm hơdră či ngă hrŏm dua bơnah, Khua mir sir čang rơmang biă mă, dua bơnah khom pok pơhai ngă tui tŭ yua gah bruă ngă hmua, pơtrut bơwih ƀong huă sĭ mơdrô, tuh pơ alin, ăt kah hăng pok pơhư prong lu bruă mă pơkŏn mơ̆ dua bơnah hơmâo tơlơi gêh găl prong.