Mơkrah akŏ thun anai, Tơhan pơgang guai dêh čar tơring čar Dak Lak hơmâo mă bruă prăp lui hyu ĕp thâo tong ten tơlơi pơhing amăng lăm hăng gah rơngiao guai dêh čar; hyu ĕp re se, pơtrut djop puih kơđông tơhan pơgang guai dêh čar prăp rơmet na nao tơlơi či blah ngă hăng pok pơhai sa hnong bruă mă wai lăng, pơgang jơlan guai dêh čar kiăng hơđong.
Pơhiăp đĭ amăng mông jơnum, ơi Nguyễn Trọng Nghĩa rơkâo, hrơi blan pơ anăp, Tơhan pơgang guai dêh čar tơring čar Dak Lak ăt khom ngă tong ten bruă kơđi čar ƀơi kual plơi pla, djă bong kjăp bruă ngă tŭ yua dưi hơmâo kah hăng ră anai hăng hơdôm hơbô̆ bruă djru mơnuih ƀôn sang pơđĭ kyar bơwih ƀong huă, lui rơmŏn kŏn rin; akŏ pơdong bruă mă gum hrŏm mơnuih ƀôn sang wai lăng kjăp guai dêh čar, pơjing tơdron blah amăng pran jua ană plơi pla djru hrŏm. Ngă klă bruă pơtom hiăp hăng gah rơngiao guai dêh čar, djru hrŏm pơgang rơnuk rơnua mơak klă, giăng mah, lêng kiăng đĭ kyar soh.
Viết bình luận