Khua mua lu dêh čar mơ-it hră hăng mơak hrŏm hăng Khua mir sir ơi Tô Lâm
Thứ năm, 10:28, 23/05/2024 VOV/Nay Jek pơblang VOV/Nay Jek pơblang
VOV4.Jarai-Ƀrô djơ̆ tal ơi Tô Lâm dưi hơmâo khua mua pơ ala mơnuih ƀôn sang dêh čar tal XV ruah đĭ ngă khua mir sir lŏn ia Cộng hòa xã hội chủ nghĩa Việt Nam, khua mua lu dêh čar kah hăng Lao, Khač, Kur mơ-it hră kông điện hăng mơak hrŏm hăng khua mir sir.

Khua git gai ping gah, khua mir sir dêh čar Lao, ơi Thongloun Sisulith pơdah pran jua hok mơak hăng pơpŭ bơni mơak hrŏm hăng ơi Tô Lâm ƀrô tal khua pơ ala mơnuih ƀôn sang dêh čar ruah đĭ ngă Khua mir sir lŏn ia CHXHCN Việt Nam amăng mông jơnum lok 7 tal XV, pơdah rai pran jua đăo kơnang hăng lăng yôm mơ̆ng Ping gah, Kơnuk kơna hăng mơnuih ƀôn sang Việt Nam pioh kơ ñu.

Khua mir sir dêh čar Khač, ơi Tập Cận Bình ăt pơpŭ bơni mơak hrŏm ơi Tô Lâm dưi ruah ngă khua mir sir Lŏn ia Việt Nam. Laih anun lăi, lăng yôm bruă ngă giăng mah Khač hăng Việt Nam, amra hrŏm hăng Khua mir sir ơi Tô Lâm djă pioh bruă pơtruh nao rai bruă mă, ba jơlan akŏ pơdong khul ngă hrŏm djru nao rai kơñ pơgi Khač hăng Việt Nam dưi kjăp kơtang hloh, pơpŭ kơ khua mir sir mă bruă dưi tŭ mă boh tơhnal prong hloh amăng bruă mă phrâo.

Pơtao dêh čar Kur ăt pơpŭ kơ Khua mir sir ơi Tô Lâm dưi hơmâo khua mua pơ ala mơnuih ƀôn sang dêh čar ruah đĭ ngă khua mir sir laih anun đăo kơnang Khua mir sir ơi Tô Lâm git gai lŏn ia, amra tŭ mă boh tơhnal prong hloh, dưi pơđĭ kyar tañ amăng djop bruă hăng pơgang pioh bruă mă wai lăng rơnuk rơnua amăng kual laih anun amăng rŏng lŏn tơnah hnun mơ̆n.

 

VOV/Nay Jek pơblang

Viết bình luận

TIN CÙNG CHUYÊN MỤC