Khua dêh čar ta ơi Phạm Minh Chính bơkơtuai amăng telephone hăng Khua dêh čar Hà Lan
Thứ năm, 09:47, 23/05/2024 VOV/Siu H' Prăk pơblang VOV/Siu H' Prăk pơblang
VOV4.Jarai – Čơtlăm tom brơi (22/5), ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính hmâo bơkơtuai laih amăng telephone hăng Khua dêh čar Hà Lan Mark Rutte.

Amăng mông bơkơtuai, Khua dêh čar ta ơi Phạm Minh Chính pơtŏng sit hơdră pơtrun hasa mơ̆ng Việt Nam lăng yôm na nao pơđĭ kyar tơlơi rô nao rai gum hrŏm abih bang hăng dêh čar Hà Lan. Dua bơnah tŭ ư hrŏm gum hrŏm kơjăp pơtrut tal rai čuă gưl Kơnuk kơna Việt Nam mơ̆ng Ơi pơtao hăng Bơnai ơi pơtao dêh čar Hàn Lan pơ̆ anăp anai, mă yua đut hlah dong hơdôm anô̆ gal mơ̆ng Tơlơi pơkôl sĭ mơdrô mơ-ak klă Việt Nam - EU (EVFTA), hrưn đĭ ngă brơi prăk pơhrui glăi mơng gơnam sĭ mơdrô nao rai dua bơnah hmâo 15 klai dolar Mi pơ̆ anăp anai.

Dua bơnah ăt hmâo bơkơtuai nao rai mơn kơ sa dua tơlơi jar kơmar hăng amăng kual hơdai bơđing nao. Gah tơlơi Ia Rơsĭ Ngŏ, dua gơñu lăi rơđah tơhnal yôm phăn mơ̆ng bruă pơhlôm rơnuk rơnua, hơđong, mơ-ak klă bruă rô nao rai gah ia rơsĭ hăng pơsir mơ-ak klă hơdôm tơlơi bơrơdjơ̆ bơrơsua hluai tui tơlơi phiăn jar kơmar, biă ñu UNCLOS 1982./.

VOV/Siu H' Prăk pơblang

Viết bình luận

TIN CÙNG CHUYÊN MỤC