Ƀơi mông jơnum ƀing khua mua pơtum pơgôp hiăp hăng pơhrua brơi djop hră pơtrun mơ̆ng khul apăn bruă ping gah dêh čar tal 13, lăi pơthâo bruă mă 5 thun ngă tui akŏ bruă yom pơđĭ kyar bơwih ƀong huă mơnuih mơnam dêh čar 10 thun mơ̆ng thun 2021-2030, anăp nao bruă mă 5 thun mơ̆ng thun 2026-2030, hră lăi pơthâo pơƀut bruă mă akŏ pơdong ping gah hăng ngă tui tơlơi phiăn ping gah hăng lăi pơthâo pơƀut bruă mă hơdôm tơlơi pơtô djơ̆ hăng bruă ngă tui sit nik mơ̆ng rơnuk pơblih phrâo lŏn ia tui anăp ngă bruă mơnuih mơnam ngă khua pô bơkơnar jing jơlan hơdră xã hội chủ nghĩa amăng 40 thun laih rơgao.

Pơhiăp ƀơi mông jơnum, Khua git gai ping gah ơi Tô Lâm lăi rơđah, hơdôm pok hră pơdah thâo amăng mông jơnum ruah khua ping gah tal XIV khom jing gơnam pơkra ming ring bruă pơƀut djop boh thâo ia rơgơi, tơlơi pơmin amăng abih bang mơnuih ping gah, ană plơi pla, ling tơhan amăng dêh čar pơgôp hrŏm. Yua kơ anun yơh, khom ngă djơ̆ tơlơi phiăn djop mơnuih ngă pô pơgôp hrŏm tơlơi pơmin ia rơgơi, pơtum hrŏm abih bang djop anom bruă mơnuih tơpuôl, kơđi čar mơnuih mơnam mut phung hăng rim čô mơnuih ƀôn sang, biă mă ñu tơlơi pơgôp hiăp hrŏm mơ̆ng ƀing khua mua hơđăp ping gah, kơnuk kơna dêh čar.