Amăng mông bưp, Khua git gai pơ ala mơnuih ƀôn sang dêh čar ơi Trần Thanh Mẫn pơsit tong Ping gah, kơnuk kơna hăng mơnuih ƀôn sang Việt Nam lêng kơ lăng yôm hăng čang rơmang hrŏm hăng Kơnuk kơna laih dong mơnuih ƀôn sang Hàn Quốc tŏ tui pơđĭ kyar dơlăm, pok prong, sit nik hăng tŭ yua ƀiă dong tơlơi rô nao rai ngă hrŏm yôm phăn djop mơta hăng Hàn Quốc. Ră anai dêh čar Hàn Quốc lĕ bơnah sĭ mơdrô prong tal 3 mơng Việt Nam (kiăo tui tlôn Khač hăng Mi). Thun 2023, rơnoh sĭ mơdrô nao rai mơng dua bơnah truh 76 klai đôlar Mi, 6 blan akŏ thun hơmâo giăm 40 klai đôlar Mi. Tui hơnong pơkă dua bơnah amra đĭ tui rơnoh sĭ mơdrô dua bơnah truh 100 klai đôlar Mi amăng thun 2025 hăng anăp nao 150 klai đôlar amăng thun 2030 tui jơlan gah bơkơnar, hơđong.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo pơ anăp anai, dua bơnah kơtưn pơbưp nao rai, pơphun jơnum khua mua pơprong hăng djop gưl, ƀing Khua pơ ala mơnuih ƀôn sang kơplah wah Việt Nam-Hàn Quốc, Hàn Quốc-Việt Nam, ƀing Khua pơ ala mơnuih ƀôn sang hlăk ai….amăng bruă čih pơkra phiah phiăn kah hăng bruă krăo lăng.