Pơhiăp amăng mông mă bruă, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn lăi rơđah bruă mă yôm phăn mơ̆ng Hải Phòng – jing ƀôn prong tơdrun tom păn, bah amăng phun nao pơ̆ ia rơsĭ hăng tô nao rai hơdôm glông jơlan ia rơsĭ jar kơmar mơ̆ng hơdôm bôh tơring čar gah Kơdư dêh čar; ƀiă hmâo anih anom hơpă kah hăng Hải Phòng, jing akô̆ phun jơlan ia rơsĭ nao rai yôm phăn hăng 5 mơta jơlan: Jơlan ia rơsĭ, jơlan ia amăng dêh čar, jơlan rơdêh treng, jơlan prang, jơlan rơdêh por, biă ñu hmâo anô̆ gal tơdrun tum păn ia dơlăm anun bruă dŭ pơgiăng tui jơlan ia rơsĭ pơđĭ kyar biă.

Khua git gai wai lăng pơ ala mơnuih ƀôn sang dêh čar ta rơkâo, Hải Phòng pok pơhai klă ngă tui Tơlơi pơkă kual ƀôn prong hăng 3 glông jơlan phun pơđĭ kyar: apah nao rai jơlan ia rơsĭ – logistics; măi mok yua klă, hơdeč hmar, phrâo rơnuk anai; Anom wai lăng tuai čuă lăng ia rơsĭ jar kơmar; pơtrut pơlir hơbit kual čơlah 3 hur har đĭ kyar Hà Nội – Hải Phòng – Quảng Ninh tui Tơlơi pơtrun pơsit 30 mơ̆ng Ding jum kơđi čar. Pơtrut kơtang pơplih anih anom tuh pơplai sĭ mơdrô, pơtrut kơtang pơplih bruă ngă hră pơ-ar./.