Khua mir sir dêh čar ta ơi Tô Lâm tơña blan neh wa, pơtŏng sit, Ping gah, Kơnuk kơna lăng ba na nao mơnuih dêh čar ta pơ̆ dêh čar tač rơngiao, sa črăn ƀu klah đuăi mơ̆ng pran jua gum hrŏm hơbit djuai ania, amăng anun hmâo mơnuih Việt Nam ƀơi Lao; čang rơmang neh wa gum hrŏm hơbit na nao, ngă tui tơlơi phiăn ƀơi anih pô dô̆.

Khua mir sir dêh čar ta pơsit yôm pran jua kiăng khăp lŏn ia hăng hơdôm tơlơi gum hơgôp yôm phăn mơ̆ng mơnuih dêh čar ta pơ̆ dêh čar tač rơngiao pioh kơ bruă pơdŏng hăng pơgang lŏn ia. Khua mir sir ăt rơkâo mơn hơdôm bôh Ƀirô  pơ ala kơ Việt Nam ƀơi Lao ngă klă dong bruă pioh kơ mơnuih Việt Nam pơ̆ dêh čar tač rơngiao, biă ñu amăng bơwih brơi, djru neh wa mut hrŏm hăng pơphun hơdôm bruă mă hơkrŭ đĭ, gum hrŏm hơbit, ăt kah hăng hơkrŭ đĭ tơlơi tô nao rai kơplah wah neh wa hăng amăng lŏn ia./.