Amăng mông tŭ jum, Khua mir sir dêh čar ta ơi Tô Lâm pơdah djơ̆ pran biă ƀơi anăp tơlơi pơđĭ kyar jai hrơi ba glăi bôh tơhnal hăng dơlăm prong mơ̆ng bruă gum hrom khom ngă kơplah wah Việt Nam – dêh čar Anglê.

Kiăng ngă tui jơlan phun gum hrŏm klă hiam kơplah wah Việt Nam hăng dêh čar Anglê pơ̆ anăp anai, Khua mir sir dêh čar ta ơi Tô Lâm rơkâo dua bơnah kơtưn grŭp bơkơtuai nao rai hăng pơbưp gưl dlông; pơtrut kơtang gum hrŏm pơgang rơnuk rơnua plơi pla – lŏn ia; ngă gal brơi lu bruă gum hrŏm sĭ mơdrô hăng tuh pơplai kơplah wah anom bơwih ƀong dua bôh dêh čar. Khua mir sir dêh čar ta ơi Tô Lâm pơsit yôm bôh tơhnal gum hrŏm klă hiam kơplah wah dua bôh dêh čar amăng bruă pơtô juăt – pơtô pơhrăm lơm jai hrơi jai hmâo lu čơđai gưl dlông, čơđai sang hră Việt Nam dô̆ pơhrăm ƀơi dêh čar Anglê hăng hmâo lu jơlan hơdră gum hrŏm kơplah wah hơdôm bôh sang hră gưl dlông hăng anih anom pơtô pơhrăm dua bôh dêh čar, hrŏm hăng anun čang rơmang dua bơnah pok pơhai dong bruă gum hrŏm lu mơta, lu bôh thâo đưm, tuai čuă ngui hăng bơkơjăp drơi jăn pioh kơtưn đĭ tơlơi thâo hluh nao rai tơdruă./.