Đĭ pơhiăp git gai jơnum, Khua mir sir ơi Tô Lâm, Khua dêh čar ơi Phạm Minh Chính tŭ yap, pơpŭ bơni hơdôm boh than dưi ngă mơng Ping gah ling tơhan gơnong glông, Ding jum ling tơhan amăng thun blan rơgao. Kơ jơlan gah bruă mă, bruă jao pơ anăp, Khua mir sir ơi Tô Lâm lăi pơtong sa, dua boh tơhnal Ping gah ling tơhan gơnong glông, Ding jum ling tơhan kiăng ngă. Amăng anun, kơtưn amăng bruă wai pơgang, đing nao pơjing bruă wai pơgang rơnuk rơnua amăng abih bang mơnuih pơlir hăng bruă pơhlôm hơđong mơnuih mơnam.

Pơjing hăng ngă tui pran kơtang “tui tơlơi đăo gơnang mơng mơnuih ƀôn sang” amăng wai pơgang rơnuk rơnua, pơjing, hơkrŭ kjăp bruă wai pơgang amăng abih bang mơnuih. Ngă tui klă hơdră bruă Ling tơhan hăng mơnuih djru tui tlôn laih dong pơtrut kơtang bruă “Hơdor tơnga”. Tŏ tui pơsit tong hăng ngă lar hyu grup hơdip mơng “Ling tơhan rơnuk wa Hồ” amăng mơnuih mơnam.