Hơdor glăi 70 thun hrơi phiăn juăt mơng Ling tơhan hơđăp Đại đoàn 305 Dù – Đặc công, Khua mir sir dêh čar ta čang rơmang pơ̆ anăp anai Grŭp djă pioh dong gru rŭp klă hiam mơ̆ng “Ling tơhan Wa Hồ”, gum hrŏm klă pơdŏng bruă kơđi čar ƀơi plơi pla hơđong, kơjăp kơtang, pơdŏng plơi pla pơdrŏng asah klă hiam.

Tal anai, Khua mir sir dêh čar rơkâo Ding jum khul ling tơhan, Ding jum wai lăng mơnuih mă bruă, tơhan rơka ruă hăng mơnuih mơnam hăng Khul ling tơhan hơđăp dêh čar Việt Nam, lăng ba git gai dong, črâo ba hăng ngă gal brơi pioh djru Ling tơhan hơđăp Đại đoàn 305 Dù – Đặc công hmâo dong bruă mă gum nao rai tơdruă hrŏ trun ƀun rin, bơwih ƀong rơgơi, djru pơđĭ kyar bơwih ƀong – mơnuih mơnam mơ̆ng plơi pla; ngă tui phiăn “Mơñum ia hơdor kơ pô klơi”, mă bruă hơdor tơngiă jing gru hiam mơ̆ng mơnuih mơnam Việt Nam./.