Ngă tui Hơdră pơtom hiăp gah ling tơhan thun 2024, mơguah lơ 6/8, ƀơi Hà Nội, Khua tơhan krên dên, ơi Phan Văn Giang Khua ding jum ling tơhan git gai lơphet čơkă jum hăng bơkơtuai hăng Khua ding jum ling tơhan dêh čar Japan, ơi Kihara Minoru. Ƀơi mông bơkơtuai, lăi nao kơ anăp či ngă bruă hrŏm thun blan pơ anăp, Khua tơhan krên dên ơi Phan Văn Giang rơkâo dua bơnah ăt pơtrut tui tơlơi ngă hrŏm gah ling tơhan, yak nao črăn pơđĭ kyar phrâo, tŭ yua, djơ̆ găl tơlơi ngă giăng mah “Bơnah ngă hrŏm hlom bom yua rơnuk rơnua hăng hing ang ƀơi kual ASIA laih anun ƀơi rŏng lŏn tơnah”.

Kơ tơlơi ƀơi ia rơsĭ, Khua tơhan krên dên ơi Phan Văn Giang lăi pơtong, Việt Nam sơ̆n pran jua kiăo tui jơlan hơdră pơsir djop tơlơi dŏ bơrơsua hăng jơlan hơdră rơnuk rơnua đôč, tui tơlơi phiăn jar kmar pơkă, tơlơi ƀuăn amăng kual, boh nik ñu UNCLOSE, tơlơi phiăn ia rơsĭ thun 1982, Tơlơi pôr hrŏm kơ bruă rô nao rai mơ̆ng hơdôm bơnah ƀơi ia rơsĭ (DOC) laih anun pơtrut bruă bơkơtuai nao rai tui Tơlơi phiăn pơkă rô nao rai ƀơi ia rơsĭ Ngŏ (COC) tŭ yua, sit nik.